सुन्धारादेखि कीर्तिपुरको यात्रा!

साँझको पाँच बज्दा नबज्दै सुन्धारामा मानिसहरूको चहलपहल ह्वात्तै बढ्यो। अफिसका कामकाजी कर्मचारीहरू, किनमेल गर्न आउनेहरूदेखि लिएर कलेज छुट्टी भएर निस्कने विद्यार्थीहरू— सबै जना एकैपटक बस स्टेसनमा आइपुगे।

बल्लतल्ल कीर्तिपुरको एउटा माइक्रो बस स्टेसनमा ओर्लियो। १५ जना अटाउने त्यो माइक्रो बसमा चढ्नका लागि ५०-६० जनाको भीड तुरुन्तै तयार भइहाल्यो। उताबाट आएका यात्रुहरू ओर्लनै पाएका थिएनन्, यता चढ्ने मान्छेहरूको मारामार सुरु हुन थाल्यो।