देउवा मूकदर्शक नहुने, के गर्छन् पूर्णबहादुर र शेखर?

पार्टी संस्थापक बिपी कोइरालाका पुत्रसमेत रहेका पूर्वमहामन्त्री शशांक कोइरालालाई अघि सार्दै समानान्तर गतिविधि गरिरहेका नेपाली कांग्रेसका निवर्तमान सभापति शेरबहादुर देउवाले धारणा सार्वजनिक गरेर भनेका छन्- पदको लालसा छैन तर मूकदर्शक भएर बस्न सक्ने छैन।

दुई कार्यकाल सभापति भएका देउवाले आफ्नो नेतृत्वमा महाधिवेशन गरी नेतृत्व हस्तान्तरण गर्ने दायित्व उल्लेख गर्दै मंगलबार धारणा सार्वजनिक गरेसँगै नेपाली कांग्रेसकै नाममा दुई महाधिवेशन हुने निश्चित भएको देखिन्छ।