चुनाव र इन्धन संकटको दबाबमा ट्रम्प

अमेरिकी राष्ट्रपति डोनाल्ड ट्रम्पले युक्रेनलाई रुसभित्र रहेका डिजेल रिफाइनरीहरूमा आक्रमण तत्काल रोक्न सार्वजनिक रूपमा आग्रह गरेका छन् । युक्रेनी हमलाका कारण विश्वभर डिजेलको चरम अभाव सिर्जना भएको र अन्तर्राष्ट्रिय अर्थतन्त्रलाई असर पुर्‍याएको दाबी ट्रम्पले गरेका छन् ।

रुस र युक्रेनबीच जारी क्षेप्यास्त्र युद्धका बीच युक्रेनले रुसी तेल तथा ग्यास पूर्वाधारलाई निरन्तर निसाना बनाइरहेको छ । रुस विश्वकै प्रमुख तेल उत्पादक राष्ट्र भएपनि युक्रेनी आक्रमणका कारण उसको इन्धन उत्पादन तथा प्रशोधन क्षमतामा भारी गिरावट आएको छ ।