एमालेले भन्यो- विष्णु पौडेलको पक्राउ गैरकानुनी

काठमाडौँ। नेकपा एमालेले पार्टीका उपाध्यक्ष विष्णुप्रसाद पौडेललाई गैरकानुनी, गैरन्यायिक र प्रतिशोधपूर्ण ढंगले पक्राउ गरेको निष्कर्ष निकालेको छ।

पार्टी कार्यालय च्यासलमा मंगलबार बसेको एमाले संसदीय दलको बैठकले पौडेललाई गैरकानुनी, गैरन्यायिक‚ प्रतिशोधपूर्ण र पूर्वाग्रह ढंगले पक्राउ गरेको भन्दै भर्त्सना गरेको प्रमुख सचेतक ऐन महरले जानकारी दिए। पौडेललाई पक्राउ गर्नु कानुनी राज्य र विधिको शासनको बर्खिलाफमा रहेकाले अविलम्ब बिनासर्त रिहा गर्न सरकारको ध्यानाकर्षण गराउने निर्णय गरेको महरले बताए।