दुर्गा प्रसाईंको परिवारैमाथि करोडौँको मुद्दा, डाक्टर छोरा र छोरीले पनि अदालत धाउनुपर्ने

व्यवसायी दुर्गा प्रसाईंमाथि सरकारले लगाइएका अहिलेसम्मका कुनै पनि मुद्दा अदालतबाट सदर भएका छैनन् । कुनै न कुनै मुद्दा लगाउने, थुन्ने र तारिखमा झुलाउने सिलसिला भने जारी छ । हुँदाहुँदा उनको परिवारैमाथि करोडौँको मुद्दा पनि सरकारले लगाउन भ्याएको छ ।

सोमबार मात्र उच्च अदालत पाटनका छुट्टाछुट्टै इजलासबाट प्रसाईका हकमा दुईवटा आदेश भए । दुवै इजलासले उनलाई धरौटीमा छाड्ने आदेश गरेको हो ।