के भट्टकै योजनामा शंकर ग्रुपलाई लाभ हुने गरी जनार्दन शर्माले करका दर हेरफेर गरेका थिए?

काठमाडौं । तत्कालीन नेकपा (एमाले) र नेकपा (माओवादी केन्द्र) बीचको चुनावी गठबन्धन र पार्टी एकताको सम्झौता हुँदा हाल सम्पत्ति शुद्धीकरण गरेको कसुरमा अनुसन्धानमा रहेका व्यवसायी तथा पावर ब्रोकर दिपक भट्ट समेत देखिएको तस्बिरहरू अहिले सञ्चारमाध्यम र सामाजिक सञ्जालमा छरपस्ट छन् ।

अन्नपूर्ण मिडिया ग्रुपका अध्यक्ष क्याप्टेन रामेश्वर थापाको घरमा भएको भनिएको उक्त सम्झौताको फोटोमा भट्ट प्रमुख पात्रका रुपमा देखिएका छन् । ती फोटो प्रहरीले अनुसन्धानका क्रममा भट्टको फोनमा फेला पारेको थियो ।