पेलेगा डाँडाबाट किन निस्किरहेको छ धुवाँ ? विज्ञ टोलीले बुधबार अध्ययन गर्ने

नवलपरासी। पूर्वी नवलपरासीको हुप्सेकोट गाउँपालिका–६ स्थित पेलेगा डाँडाबाट केही महिनायता बाक्लो धुवाँ निस्किएपछि त्यसको अध्ययन गर्न खानी तथा भूगर्भ विभागका विज्ञहरूको टोली जिल्लामा पुगेको छ।

खानी तथा भूगर्भ विभागका सूचना अधिकारी नारायण बाँस्कोटाका अनुसार विभागका विज्ञ प्रकाश लुँइटेलको नेतृत्वमा चार सदस्यीय टोली मंगलबार पूर्वी नवलपरासी पुगेको हो। टोलीले मंगलबार जिल्ला प्रशासन कार्यालयमा पुगेर सम्बन्धित सरोकारवालासँग प्रारम्भिक छलफल गरेको छ।