पोखरामा आन्तरिक र बाह्य पाहुना सराबरी

पोखरामा आन्तरिक पर्यटकको हिस्सा ५० प्रतिशत हिस्सा पुगेको पर्यटन व्यवासायीले बताएका छन् । यो आगमन अढाईदशक अघि ५ प्रतिशत हाराहारीमा रहेकोमा अहिले बढेर कम्तिमा ५० प्रतिशत पुगेको व्यावसायीको भनाई छ

चितवनको सौराहा, रुपन्देहीको भैरहवा र पाल्पामा पर्यटन प्रवर्द्धनको क्रममा पुगेका व्यावसायीले पोखरामा आन्तरिक पर्यटकको आगमन हरेक वर्ष बढिरहेको बताए । होटल संघ पोखराले आन्तरिक पाहुनालाई पोखरा घुम्न बोलाउँदै योपटक सौराहा, भैरहवा र पाल्पामा ‘जाउँ है पोखरा’ अभियान चलाएको थियो ।