पतनको बाटोमा प्रचण्ड ?

सामाजिक सञ्जालमा नेपाल कम्युनिस्ट पार्टी (माओवादी)का अध्यक्ष तथा सर्वोच्च नेता प्रधानमन्त्री पुष्पकमल दाहाल ‘प्रचण्ड’ बोल्दै थिए, ‘मलाई यो गणतन्त्र पनि मन परेको छैन, यो संघीयता पनि मन परेको छैन ।’

उनको यो भनाइ सक्कली हो कि नक्कली त्यो थाहा भएन । एआईको जमानामा को सक्कली हो र को नक्कली हो ? पत्ता लगाउन कठिन छ । एआई अर्थात् ‘आर्टिफिसियल इन्टेलिजेन्स ।’ सक्कली मानिसको अनुहार र आवाज दुरुस्त उतारेर सामाजिक सञ्जालमा ‘पोस्ट’ गर्नु कलाकारिता हो । यो कलालाई इन्कार गर्नुभन्दा यसको तारिफ गर्नु आवश्यक छ अहिलेको समयमा ।