फोटो प्रदर्शनी ‘चेर्दुङ पदयात्राका तस्बिरहरू’ को अवधि थप तीन दिन लम्बियो

काठमाडौँ । नयाँ बानेश्वरस्थित उमोजा कफीमा सञ्चालन भइरहेको पत्रकार जीवन लामाको एकल फोटो प्रदर्शनी ‘चेर्दुङ पदयात्राका तस्बिरहरू’ को अवधि थप तीन दिन लम्बिएको छ ।

जेठ १४ गतेदेखि सुरु भई जेठ १६ गते (शनिबार) सम्म सञ्चालन गर्ने तय भएको यो प्रदर्शनी दर्शकहरूको रुचि र उत्साहजनक उपस्थितिलाई मध्यनजर गर्दै थप तीन दिनका लागि लम्ब्याइएको आयोजक संस्था एक्सप्लोर नेपाल नेटवर्कका प्रमुख एवं पर्यटन अभियन्ता लिलाराम खड्काले जानकारी दिएका छन् ।