रास्वपाले फेरि हेरफेर गर्‍यो निर्वाचन तालिका

काठमाडौँ । रास्वपाको पहिलो महाधिवेशनको निर्वाचन कार्यतालिका तेस्रोपटक हेरफेर भएको छ । आज केन्द्रिय निर्वाचन आयोगका प्रमुख भुवन केसीले एक सूचना जारी गर्दै यस्तो जानकारी दिएका हुन् ।

नयाँ निर्वाचन तालिकाअनुसार आज साँझ ७ बजेदेखि ७ः३० बजेसम्म सभापति पदका लागि उम्मेदवारी फारम वितरण तथा दर्ता गरिनेछ । त्यसपछि केन्द्रीय सदस्य पदका लागि साढे ७ बजेदेखि साढे ९ बजेसम्म उम्मेदवारी दर्ताको समय तोकिएको छ ।