बाँदरलाई हानेको गोली लागेर तामाङको मृत्यु

खोटाङ। दिक्तेल रुपाकोट मझुवागढी नगरपालिका–११ खार्मीमा बाँदरलाई हानेको गोली लागेर एक व्यक्तिको मृत्यु भएको छ। खार्मीको निङ्गालेस्थित महभीरका ५४ वर्षीय भलबहादुर तामाङले बाँदरलाई हानेको गोली लागेर सोही ठाउँका ५२ वर्षीय श्यामबहादुर तामाङको मृत्यु भएको हो।

मकैबारीमा आएको बाँदरलाई घेरा हालेर धपाउने क्रममा मंगलबार दिउँसो करिब २ः०० बजे आफूले प्रहार गरेको भरुवा बन्दुकको गोली टाउकोमा लाग्दा श्यामबहादुरको घटनास्थलमै मृत्यु भएको भलबहादुरले बताए।