पर्सामा अनलाइन जुवा खेलाउने एक जना भारतीय पक्राउ, अदालतबाट ५ दिनको म्याद थप

वीरगन्ज । पर्सा प्रहरीले अनलाइन जुवा खेलाउने एक भारतीयलाई पक्राउ गरेको छ । विशेष सूचनाको आधारमा छापा हान्दा प्रहरीले (सट्टेवाजी) अनलाइन जुवा खेलाउने भारत विहार मोतिहारी थाना ढाका ग्राम देवपुर बस्ने रविशंकर ठाकुरलाई पक्राउ गरेको हो ।

पर्सा प्रहरी प्रवक्ता सुबास भट्टका अनुसार महानगरको मुर्लीमा घर भाडामा लिएर अनलाइन जुवा खेलाइरहेको सूचना प्रहरीलाई आएको थियो र सोही सूचनाका आधारमा छापा हान्दा ठाकुर पक्राउ परेका हुन् ।