प्रिमियर लिगमा लिभरपुलको सहज जित, घरेलु मैदानमै हार्‍यो म्यान्सिटी

काठमाडौं । इंग्लिश प्रिमियर लिग फुटबलमा शीर्ष स्थानको लिभरपुलले म्यान्चेस्टर सिटीलाई हराएको छ । आइतबार राती भएको खेलमा लिभरपुलले पेप ग्वार्डिवला नेतृत्वको म्यान्सिटीलाई २-० ले हराएको हो ।

सिटीको घरेलु मैदानमा लिभरपुललाई जिताउन मोहम्मद सालाह र डोमिनिक स्जोबोस्जलाईले एक एक गोल गरे । यो जितसँगै २७ खेलबाट लिभरपुलको ६४ अंक भएको छ । दोस्रो स्थानको आर्सनलको २६ खेलबाट ५३ अंक छ भने म्यान्चेस्टर सिटी ४४ अंकसहित चौथो स्थानमा छ ।