ला लिगा : लयमा फर्कियो रियाल मड्रिड, बार्सिलोना गोल अन्तरले अगाडि

काठमाडौं । स्पेनिस ला लिगामा थोरै असावधानीले चिप्लिएको रियाल मड्रिड फेरि लयमा फर्किएको छ । रियालले आइतबार राती घरेलु मैदानमा पाहुना टोली गिरोनामाथि २-० को सहज जित निकाल्दै लयमा फर्किएको संकेत गरेको हो ।

रियाल मड्रिडलाई जिताउन लुका मोड्रिच र भिनिसियस जुनियरले एक एक गोल गरे । लयमा फर्किएको रियालले शीर्ष स्थानको बार्सिलोनासँग अंक बराबरी गरे पनि गोल अन्तरका आधारमा एक स्थान पछि परेको छ । शीर्ष स्थानको बार्सिलोनाको समान २५ खेलबाट ५४ अंक छ । तेस्रो स्थानको एटलेटिको मड्रिडको ५३ अंक छ ।