शिक्षामन्त्री पोखरेलसँग बेलायती राजदूत फेनको शिष्टाचार भेट

काठमाडौं। शिक्षा तथा खेलकुदमन्त्री सस्मित पोखरेल र नेपालका लागि बेलायती राजदूत रब फेनबीच मंगलबार शिष्टाचार भेटवार्ता भएको छ।

सिंहदरबारस्थित मन्त्रालयमा भएको भेटमा नेपाल–बेलायतबीच शिक्षा तथा खेलकुद क्षेत्रमा हुँदै आएको सहकार्यलाई थप निरन्तरता दिने विषयमा छलफल भएको थियो। भेटमा दुई देशबीचको ऐतिहासिक सम्बन्ध, आपसी सहयोग र सहकार्यका विषयसमेत उठेका थिए।