वैचारिक दिशा परिवर्तन गर्दै रास्वपा: संवैधानिक समाजवादबाट सामाजिक लोकतन्त्र अपनाउने प्रस्ताव

राष्ट्रिय स्वतन्त्र पार्टी (रास्वपा)ले आफ्नो मूल राजनीतिक सिद्धान्त परिवर्तन गर्दै अब ‘संवैधानिक समाजवाद’ को सट्टा ‘सामाजिक लोकतन्त्र’ लाई पार्टीको मार्गदर्शक विचारका रूपमा अघि सार्ने प्रस्ताव गरेको छ ।

चितवनमा जारी पार्टीको पहिलो महाधिवेशनमा सभापति रवि लामिछानेले प्रस्तुत गरेको राजनीतिक प्रतिवेदनमार्फत यो वैचारिक परिवर्तन सार्वजनिक गरिएको हो ।