खान्दानी दलीय रङ्गहरूको मिसावट हो खैरो र कालोसूची

युरोपेली युनियनले नेपाललाई उडान सुरक्षाको कालोसूचीमा राख्दा पनि हाम्रोमा राता, पहेँला, हरिया, सेता र नीलाहरूको जगजगी थियो । अहिले सम्पत्ति शुद्धीकरण तथा आतङ्कवादी लगानीको जोखिमपूर्ण खैरो सूचीमा पर्दा पनि हाम्रो खान्दानी रङ्ग हराएको छैन । सत्ता र प्रतिपक्षमा बाँडिएका नेताहरू मात्रै होइनन्, हामी नागरिक पनि थरीथरी रङ्गमा रङ्गिएका छौँ । रङ्गहरूको दुनियाँमा थरीथरीका रङ्ग मिसाउँदा अर्को नयाँ रङ्ग बन्छ । यस्तै रङ्ग भएका दलहरू आलोपालो सत्ता र प्रतिपक्षमा मिसिँदा संसारले नेपाललाई कहिले कालो देख्ने गरेको छ, कहिले खैरो ।

रङ्गहरूकाे विज्ञान बुझ्नुअघि नागरिकलाई रङ्गीन सपना बाँड्ने दलहरूका खान्दानी रङ्गलाई नजिकबाट नियालौंँ ।