नवलपुरमा विद्युतीय माइक्रोबस दुर्घटना हुँदा चालकसहित ८ घाइते

काठमाडौं । नवलपुरको गैँडाकोटमा सोमबार राति एक विद्युतीय माइक्रोबस (इलेक्ट्रिक हाइस) दुर्घटना हुँदा चालकसहित आठजना घाइते भएका छन् । पोखराबाट कपिलवस्तुतर्फ जाँदै गरेको बा.प्र.०२-००३ च १२०५ नम्बरको हाइस गैँडाकोट नगरपालिका-१०, पितौजीमा दुर्घटनामा परेको हो । तीव्र गतिका कारण हाइस अनियन्त्रित भई सडकमा पल्टिएको जिल्ला प्रहरी कार्यालय नवलपुरले जनाएको छ ।

दुर्घटनामा परी घाइते हुनेहरूमा चालक प्युठानको माण्डवी गाउँपालिका-२ निवासी २४ वर्षीय विष्णु घर्ती, कपिलवस्तुको कृष्णनगर नगरपालिका-२ निवासी ३१ वर्षीय अर्बिन्द्र अग्रवाल, २६ वर्षीया प्रभा अग्रवाल र उनकी १८ महिनाकी छोरी छन् ।