यी हुन् न्याम्सका पूर्वउपकुलपति र पदाधिकारीहरु

काठमाडौं- चिकित्सा विज्ञान राष्ट्रिय प्रतिष्ठान (न्याम्स) स्थापनाको २२औं दिवस आज विभिन्न कार्यक्रम गरी मनाइँदै छ। न्याम्स स्थापनाको अवसरमा न्याम्सका कुलपति समेत रहेका प्रधानमन्त्री पुष्पकमल दाहाल प्रचण्डको प्रमुख आतिथ्यमा औपचारिक कार्यक्रम हुने छ।

न्याम्स स्थापना दिवसका अवसरमा स्वास्थ्यखबरले यसका पूर्व उपकुलपति र पदाधिकारीहरु को-को भए भनेर विवरण संकलन गरेको छ। न्याम्सले स्वास्थ्यखबरलाई उपलब्ध गराएको विवरण अनुसार हालसम्म न्याम्समा ७ जना उपकुलपति भएका छन्। हालका उपकुलपति प्राडा भुपेन्द्र बस्नेत गत वर्षको असारमा नियुक्त भएका हुन्। त्यसअघि न्याम्समा छ जना उपकुलपति भएका छन्।