उखु सस्तोमा किन्दा किसानसँग सहमति, बढी तिर्नुपर्दा बार्गेनिङ

काठमाडौँ — चालु आर्थिक वर्षका लागि सरकारले उखुको न्यूनतम समर्थन मूल्य प्रतिक्विन्टल ५ सय ६५ रुपैयाँ तोक्यो । पुस ३ को मन्त्रिपरिषद् बैठकले सरकारी अनुदान (प्रतिक्विन्टल ७० रुपैयाँ) बाहेक उखुको मूल्य ५ सय ६५ रुपैयाँ तोकेको हो । उखुको न्यूनतम मूल्य गत वर्षको तुलनामा प्रतिक्विन्टल २५ रुपैयाँ बढी छ । तर सरकारी मूल्यमा किसान सन्तुष्ट छैनन् ।

त्यसमाथि सरकारले तोकेको मूल्य उनीहरूले पाएका पनि छैनन् । सरकारले ढिला गरी मूल्य तोक्दा केही चिनी मिलले गत वर्षकै मूल्यमा उखु किनेर क्रसिङसमेत गरेका छन् ।