आँबुखैरेनीमा ट्यांकर र ट्रक ठोक्किए

काठमाडौं । पृथ्वी राजमार्गस्थित तनहुँको आँबुखैरेनी गाउँपालिका-४ मा तेल बोक्ने ट्यांकर र ट्रक ठोक्किएका छन् ।

मंगलबार साँझ सवा ६ बजेतिर मुग्लिनबाट आँबुखैरेनी आउँदै गरको मधेस प्रदेश ०३-००१ क २७०० नम्बरको तेल बोक्ने ट्याङकर र विपरीत दिशातर्फ जाँदै गरेको ना ५ ख ७७७५ नम्बरको मालबाहक डिब्बा ट्रक आपसमा ठोक्किएका प्रहरीले जानकारी दिएको छ ।

दुर्घटनाका कारण दुवैतर्फ बाटो अवरुद्ध भएको र खुलाउने प्रयास भइरहेको प्रहरीले जानकारी दिएको छ ।

दुर्घटनामा परी ट्यांकर चालक लमजुङको सुन्दरबजारका ४३ वर्षीय हरीबहादुर घर्ती र ट्रक चालक धादिङको नौबिसेका ३९ वर्षीय गौतम श्रेष्ठ घाइते भएका छन् ।

#दुर्घटना