नेपालका रोहितसहित युएईका दुई खेलाडीलाई आइसिसीको कारबाही

क्वालालम्पुरमा शनिबार सम्पन्न एसियाली क्रिकेट काउन्सिल (एसीसी) पुरुष प्रिमियर कपको फाइनल खेल दौरान अन्तर्राष्ट्रिय क्रिकेट परिषद् (आइसिसी) को आचारसंहिता लेभल १ उल्लंघन गरेकोमा संयुक्त अरब इमिरेट्स (युएई) का खेलाडीहरू अदीब उस्मानी र खुजैमा तनवीर तथा नेपालका रोहित पौडेल जरिवानामा परेका छन्।

अदीब र पौडेल दुवैलाई म्याच फीको १५ प्रतिशत जरिवाना गरिएको छ। उनीहरूले खेलाडी तथा खेलाडी सहयोगी टोलीका लागि आइसिसी आचारसंहिताको धारा २.४ (अन्तर्राष्ट्रिय म्याचको क्रममा अम्पायरको निर्देशन नमान्नु) उल्लंघन गरेको पाइएको थियो।