एमाले सचिवालयको निष्कर्ष : विष्णु पौडेलको पक्राउ गैरकानुनी

काठमाडौँ । नेकपा एमालेले उपाध्यक्ष विष्णु पौडेलको पक्राउ गैरकानुनी भन्दै आग्रह पूर्वाग्रहबाट प्रेरित रहेको निष्कर्ष निकालेको छ।

मङ्गलबार साँझ अध्यक्ष केपी शर्मा ओलीको निवास गुण्डुमा बसेको सचिवालय बैठकले यस्तो निष्कर्ष निकालेको उपमहासचिव लेखराज भट्टले जानकारी दिए ।

एमालेको निष्कर्ष : विष्णु पौडेललाई गैरकानुनी, गैरन्यायिक र प्रतिशोधपूर्ण ढङ्गले पक्राउ गरियो

‘उपाध्यक्ष पौडेलको पक्राउ गैरकानुनी र पुर्वाग्रहप्रेरित छ भन्ने बैठकले निष्कर्ष निकालेको छ’, नेता भट्टले रातोपाटीसँग भने, ‘आज जुन अदालतबाट जुन खालको अपेक्षा गरेका थियौ । उहाँलाई थुनामा राखेर पुर्पक्ष गर्नुपर्ने होइन । त्यो न्यायोचित पनि होइन । विनाशर्त रिहाइ गर्नुपर्छ भन्ने बैठकको सार हो ।’