सुदूरपश्चिम सरकारका ९ वर्ष: ४ हजार ६४५ किमी सडक निर्माण, ६४ अर्ब बजेट खर्च

सुदूरपश्चिम प्रदेश सरकार स्थापना भएको नौ वर्षको अवधिमा प्रदेशभर ४ हजार ६ सय ४५ किलोमिटर सडक निर्माण भएको छ। जसमध्ये १ हजार १६ किलोमिटर सडक कालोपत्रे गरिएको छ।

भौतिक पूर्वाधार विकास मन्त्रालयले आर्थिक वर्ष २०७४/७५ देखि २०८२/८३ सम्मको समग्र कार्यप्रगति समेटेर तयार पारेको स्थिति पत्र सार्वजनिक गर्दै मन्त्री ओमबिक्रम भाट ‘सरल’ ले नौ वर्षको भौतिक उपलब्धिको विस्तृत विवरण प्रस्तुत गरेका हुन्।