संघीयतापछि सुदूरपश्चिम प्रदेश सरकारबाट चार हजार ६०४ किलोमिटर सडक, ११० पुल निर्माण

३० भदौ, धनगढी । सुदूरपश्चिममा प्रदेश सरकार गठन भएयता भौतिक पूर्वाधार विकास मन्त्रालयले ४ हजार ६०४ किलोमिटर सडक निर्माण गरेको छ । मंगलबार मन्त्रालयले २०७४/७५ देखि आर्थिक वर्ष २०८२/८३ सम्मको प्रगति विवरण सार्वजनिक गरेको गर्दै उक्त तथ्यांक सार्वजनिक गरेको हो ।

भौतिक पूर्वाधार विकास मन्त्री ओमविक्रम भाटले प्रगति विवरण सार्वजनिक गर्दै प्रदेशभर एक हजार १६ किलोमिटर सडक कालोपत्रे, एक हजार ५८४ किलोमिटर ग्राभेल र दुई हजार ४५ किलोमिटर कच्ची सडक निर्माण भएको जानकारी दिए ।