उपाध्यक्ष पौडेलको गिरफ्तारी राजनीतिक प्रतिशोध : एमाले

काठमाडौं । नेकपा एमालेको केन्द्रीय सचिवालयको नवौँ बैठकले पार्टीका उपाध्यक्ष विष्णुप्रसाद पौडेलको गिरफ्तारीलाई राजनीतिक प्रतिशोध, पूर्वाग्रह र गैरकानुनी कदमको संज्ञा दिँदै त्यसको राजनीतिक तथा कानुनी रूपमा सशक्त प्रतिवाद गर्ने निर्णय गरेको छ।

पार्टी मुख्यालय च्यासलमा सोमबार बसेको सचिवालय बैठकपछि महासचिव शंकर पोखरेलले बैठकका निर्णय सार्वजनिक गर्दै पार्टीले उक्त घटनालाई लोकतान्त्रिक मूल्य–मान्यता, विधिको शासन र नागरिक अधिकारमाथिको गम्भीर प्रहारका रूपमा लिएको बताए।