शङ्खरापुरमा एक अर्ब ५१ करोडको बजेट पारित

काठमाडौँ । काठमाडौँको शङ्खरापुर नगरपालिकाले आगामी आर्थिक वर्ष २०८३/०८४का लागि रु एक अर्ब ५१ करोड १० लाख ५८ हजारको बजेट पारित गरेको छ ।

नगरपालिकाको १२ औँ नगर सभाले उक्त बजेट सर्वसम्मत रूपमा पारित गरेको हो । नगर सभाले प्रस्तुत गरेको बजेटमध्ये चालुतर्फ रु ६७ करोड ६२ लाख २७ हजार ४८ अर्थात् ४४ दशमलव ७० प्रतिशत र पुँजीगततर्फ रु ८३ करोड २३ लाख ५६ हजार २५२ रुपैयाँ अर्थात ५५ दशमलव ३० प्रतिशत विनियोजन गरिएको छ । वित्तीय व्यवस्थापनतर्फ रु २५ लाख अर्थात् ० दशमलव १६ प्रतिशत बजेट छुट्याइएको छ ।