कांग्रेसमा समस्या छैन : महत

काठमाडौं । नेपाली कांग्रेसका प्रवक्ता प्रकाशशरण महतले राष्ट्रपतिको उम्मेदवारमा कांग्रेसमा कुनै समस्या नभएको बताउनुभएको छ । अरू दलहरूको समर्थन पाउने पक्का हुनासाथ कांग्रेसले उम्मेदवार टुंगो लगाउने महतले बताउनुभएको हो ।

‘कांग्रेसमा उम्मेदवारको विषयमा कुनै समस्या छैन’, उहाँले नेपाल समाचारपत्रसँग भन्नुभयो– ‘अरू दलहरूको समर्थन पाउने कन्फर्म हुनासाथ हामीले उम्मेदवारबारे निर्णय गर्छौं । अहिले चर्चामा आएकामध्येबाटै एक जना हुनुहुन्छ ।’ कांग्रेसबाट राष्ट्रपतिमा वरिष्ठ नेता रामचन्द्र पौडेल र नेता कृष्णप्रसाद सिटौलाको नाम चर्चामा छ । गोपालमान श्रेष्ठ र दमनाथ ढुंगानाको नामसमेत पछिल्लो समयमा बाहिर ल्याइएको छ ।