एनआरएनएलाई अधिकारसहित नागरिकता
karobardaily.com · Sun Mar 27 01:11:45 GMT 2022
गैरआवासीय नेपाली संघ (एनआरएनए) को दसौं विश्व सम्मेलन शनिबार काठमाडौंमा सुरु भएको छ । सम्मेलन उद्घाटन गर्दै राष्ट्रपति विद्यादेवी भण्डारीले विदेशमा रहेपनि नेपालको समृद्धिमा हातेमालो गर्ने गैरआवासीय नेपालीलाई सम्मान गर्न नागरिकताको कानुनी प्रक्रिया पूरा हुने बताइन् ।
उनले भनिन्, “नेपालबाट भौतिक रुपमा टाढा रहेर पनि नेपालको समृद्धिमा सहकार्य गर्ने गैरआवासीय नेपालीले पाएको आर्थिक, सामाजिक र सांस्कृतिक अधिकारलाई कानुनी मान्यता दिने काम भइरहेको छ । भूकम्पपछि नेपालको पुनर्निर्माणमा सहयोग गरेर गैरआवासीय नेपालीले सराहनीय काम गर्नुभएको छ ।” उनले विदेशमा रहेका नेपालीहरुलाई नेपालको सांस्कृतिक दूतको रूपमा पर्यटन प्रवद्र्धन गर्न समेत आह्वान गरेकी छिन् ।
स्रोतमा पूरा पढ्नुहोस् (karobardaily.com)