कोपा डेल’रे : बार्सिलोना र एटलेटिकोबीच कडा टक्कर, ४–४ बराबरीमा टुंगियो खेल

काठमाडौं । कोपा डेल'रे फुटबल सेमिफाइनल पहिलो लेगमा बार्सिलोना र एटलेटिको मड्रिडले ४-४ को बराबरी खेलेका छन् । बार्सिलोनाको घरेलु मैदानमा मंगलबार राती भएको पहिलो लेग बराबरी भएसँगै दोस्रो लेग जित्दै पर्ने दबाबमा दुबै टोली परेका छन् ।

बार्सिलोनाका लागि पेड्री, पाउ क्युबर्सी, इनिगो मार्टिनेज र रोवर्ट लेवान्डोस्कीले एक-एक गोल गरे । खेल सुरु हुनासाथ पहिलो मिनेटमै अल्वारेजको गोलबाट खाता खोलेको एटलेटिकोका एन्टोनी ग्रिजम्यान, मार्कोस लोरेन्ट र एलेक्सान्द्र सोरलोथले एक–एक गोल थपे ।