अमेरिका–इरान शान्ति सम्झौता २४ अर्ब डलरमा अड्कियो

इरान : इरानका सर्वोच्च नेता आयातोल्लाह मोज्तबा खामेनीसैन्य सल्लाहकार मोहसेन रेजाइले अमेरिका र इरानबीच सम्भावित शान्ति सम्झौता २४ अर्ब अमेरिकी डलर बराबरका रोक्का गरिएका इरानी सम्पत्ति फुकुवा गर्ने विषयमा अड्किएको बताएका छन् ।

शुक्रबार अमेरिकी समाचार संस्था सीएनएनसँगको विशेष अन्तर्वार्तामा उनले भने, ‘वार्ता ठप्प अवस्थामा पुगेको छ र यो गतिरोध तोड्ने जिम्मेवारी राष्ट्रपति डोनाल्ड ट्रम्पमाथि छ । बल अहिले ट्रम्पको कोर्टमा छ ।’ रिपोर्टअनुसार, इरानले अन्तरिम सम्झौता हुने बित्तिकै १२ अर्ब डलर र पछि थप १२ अर्ब डलर गरी कुल २४ अर्ब डलर फुकुवा गर्न माग गरेको छ ।