गर्मी छल्न भेडेटारमा भारतीय पर्यटक

धनकुटा । भारतको बिहारमा यतिबेला तापक्रम बृद्धि भइरहेको छ । विहारमा ३५ डिग्री सेल्सियस तापक्रम नाघेका बेला विराटनगरमा ३० डिग्री आसपास छ । विराटनगरबाट ६० किलोमिटर उत्तरमा रहेको पर्यटकीय गन्तव्य भेडेटारमा भने यतिबेला पनि जाडो छ । त्यहाँको तापक्रम २० डिग्री हाराहारी छ । त्यसमाथि जतिबेला लाग्ने बाक्लो हुस्सु लाग्छ। बेला–बेला सिमसिम पानी पर्छ । क्षण भरमै घामपनि लाग्छ ।

गर्मी छल्न भेडेटारमा आन्तरिकसँगै भारतीय पर्यटकको भीड लाग्छ थालेको छ । अहिले भारतीय पर्यटकका कारण चहलपहल बढेको स्थानीय पर्यटन व्यवसायीको भनाई छ । ‘विहारबाट गर्मी छल्ल आउने बढ्दै छन्’, स्थानीय होटल व्यवसायी सञ्जय राईले भने,‘जसले पर्यटन क्षेत्रलाई चलायमान बनाएको छ ।’