इरानमा सरकारविरोधी प्रदर्शन जारी, १३९ विदेशी पक्राउ

इरानमा जारी सरकारविरोधी प्रदर्शनका क्रममा इरानी अधिकारीहरूले देशको मध्य भागबाट १३९ विदेशी नागरिकलाई पक्राउ गरेको स्थानीय मिडियाले मंगलबार जनाएका छन्।

इरानको तस्निम समाचार एजेन्सीले याजद सहरका प्रहरी प्रमुखलाई उद्धृत गर्दै पक्राउ परेका व्यक्तिहरू विरोध आयोजना गर्ने, उक्साउने र निर्देशन दिने काममा संलग्न रहेको तथा देश बाहिरका सञ्जालहरूसँग सम्पर्कमा रहेर आपराधिक क्रियाकलाप गरेको जनाएको छ।