उपत्यकाको सबै फोहोर उठ्न अझै एक साता लाग्ने
nayapatrikadaily.com · Thu Mar 17 00:23:00 GMT 2022
उपत्यकाको विभिन्न ठाउँमा थुप्रिएको सबै फोहोर उठ्न अझै एक साता लाग्ने भएको छ । स्थानीयले बन्चरेडाँडालाई केन्द्रबिन्दु मानेर तीन किलोमिटर वरपरका जग्गा पनि अधिग्रहण गरेर मुआब्जा दिनुपर्ने माग राख्दै २५ फागुनदेखि सिसडोलमा फोहोर लैजान अवरोध गरेका थिए । जसकारण एक साता काठमाडौं उपत्यकाको फोहोर उठ्न सकेको थिएन । पासाङ ल्हामु राजमार्ग निर्माणको ढिलाइका कारण त्यहाँका स्थानीयले सडक अवरोध गर्दा नउठेको फोहोर पनि सडकमै जम्मा भएकाले उपत्यकाको फोहोर उठ्न अझै एक साता लाग्ने भएको हो ।
काठमाडौं र ललितपुर महानगरपालिकासहित १८ वटै स्थानीय तहको फोहोर सिसडोलमा व्यवस्थापन गरिँदै आएको छ । तर, वर्षौंदेखि सिसडोलको विकल्प नखोजिँदा बर्सेनि पटक–पटक समस्या दोहोरिने गरेको छ । निजी र महानगरपालिकाका गरी दैनिक दुई सयभन्दा बढी टिपर–ट्रकले नुवाकोटको ककनी गाउँपालिका–२ स्थित सिसडोलमा फोहोर लैजाने गर्छन् । दैनिक दुई सय ५० टन फोहोर फाल्न मिल्ने सिसडोलमा अहिले दैनिक एक सय ५० ट्रकले एक हजार टनभन्दा बढी फोहोर फालिरहेका छन् ।
स्रोतमा पूरा पढ्नुहोस् (nayapatrikadaily.com)