ढोरपाटन आरक्षसँग किन त्रस्त छन् स्थानीय?

प्राकृतिक स्रोतसाधनमा स्थानीयलाई अग्राधिकार दिने अन्तर्राष्ट्रिय प्रतिबद्धता र संवैधानिक प्रावधान अनुरूप कानून अद्यावधिक नहुँदा आरक्ष र समुदायबीच कलह बढ्दो छ।

ढोरपाटन शिकार आरक्षले रुकुमपूर्वको पुथा–उत्तरगंगा गाउँपालिका–६ डिम्मुरगैरामा सुरक्षा चौकी राख्न गत जेठ १२ मा सेना पठायो। राष्ट्रिय निकुञ्ज तथा वन्यजन्तु संरक्षण विभागको अनुमतिमा रु.एक करोड लागतमा भवन बनाउने तयारी थियो। तर, सेनाले डोजर मार्फत घडेरी सम्याउन लागेको चाल पाउनासाथ स्थानीय बासिन्दाले विरोधमा ढुङ्गामुढा बर्साउन थाले।