कालोपत्र सडकमा ढुंगामाटो थुप्रिंदा देखियो कच्ची जस्तो, घरसमेत जोखिममा परेको गुनासो

१७ जेठ, गुल्मी । गुल्मीमा सहायक सडक विस्तार गर्दा निस्किएको ढुंगामाटोको उचित व्यवस्थापन नहुँदा मदन भण्डारी राजमार्ग अन्तर्गतको तम्घास–सिमलटारी सडकखण्डको यात्रा कष्टकर र जोखिमपूर्ण बनेको छ ।

करोडौं रुपैयाँ लागतमा कालोपत्र गरिएको सडकमा हिलोसहित गेग्रान जम्मा हुँदा कच्ची सडक जस्तो देखिएको छ । कतिपय स्थानीयले त आफ्नो घर नै जोखिममा परेको बताएका छन् ।