वर्षामा डुबाउने पेडारी नालामा बन्यो चारलेनको पुल

बाँके । नेपालगञ्ज–गुलरिया हुलाकी राजमार्गअन्तर्गत बाँकेको खजुरा गाउँपालिका–३ स्थित पेडारी नालामा चारलेनको पुल निर्माण सम्पन्न भएसँगै वर्षायाममा हुँदै आएको डुबान र यातायात अवरोधको समस्या हटेको छ ।

चारलेनको सडक भए पनि पेडारी नालामा रहेको पुरानो साँघुरो र जीर्ण पुलका कारण सामान्य वर्षामै नालाको पानी सडकमा बग्ने गरेको थियो । बाढी र डुबानका कारण नेपालगञ्ज–गुलरिया सडकमा आवतजावत प्रभावित हुँदै आएकोमा नयाँ पुल सञ्चालनमा आएपछि यातायात सहज भएको स्थानीय अगुवा सतीश निरौलाले बताए ।