नवलपुरमा घरायसी विवादका कारण बुबाले गरे छोराको हत्या

नवलपुर : नवलपुरको गैंडाकोटमा घरायसी विवादका क्रममा बुबाले आफ्नै छोरामाथि धारिलो हतियार प्रहार गरी हत्या गरेका छन्।गैंडाकोट नगरपालिका वडा नं. १५ चिन्तामणी टोलमा शनिबार राती बुबाले छोरामाथि खुर्पा प्रहार गरी हत्या गरेका हुन्।

प्रहरीका अनुसार चिन्तामणी टोल बस्ने ६३ वर्षीय डम्मर गिरी र उनका ४३ वर्षीय छोरा शंकर गिरीबीच शनिबार राती अन्दाजी १०:०० बजेको समयमा घरायसी विषयलाई लिएर विवाद सुरु भएको थियो।