दिल्ली दौडमा परराष्ट्रमन्त्री देउवा, मोदीसँग भेटको सम्भावना कति ?

परराष्ट्रमन्त्री आरजु राणा देउवा आज आइतबार पाँच दिने भारत भ्रमणमा जाँदैछिन्। परराष्ट्र मन्त्रालयका अनुसार भारतीय विदेशमन्त्री एस जयशंकरको निमन्त्रणमा परराष्ट्रमन्त्री देउवाले १८ देखि २२ अगस्ट अर्थात २ देखि ६ भदौसम्म भारत भ्रमणमा रहनेछिन्।

भ्रमणका क्रममा भारतीय विदेशमन्त्री जयशंकरसँग दुई पक्षीय हित र नेपाल भारत सम्बन्धका विविध पक्षमा कुराकानी हुने परराष्ट्र मन्त्रालयले विज्ञप्तिमा उल्लेख गरेको छ। भारतमा रहँदा परराष्ट्रमन्त्री राणाले आफ्नो स्वास्थ्य उपचार समेत गर्नेछिन्। उनी दिल्लीमा नियमित उपचार गराउँदै आएकी छन्।