कृषि बहुउद्देश्यीय सहकारी संस्थाका पूर्व अध्यक्ष सूर्यबहादुर गुरुङसँग संसदीय छानबिन विशेष समितिले गर्याे सोधपुछ

सहकारी संस्था बचत रकम दुरुपयोग सम्बन्धमा संसदीय छानबिन विशेष समितिले हाम्रो कृषि बहुउद्देश्यीय सहकारी संस्थाका पूर्व अध्यक्ष सूर्यबहादुर गुरुङसँग सोधपुछ गरेको छ ।

बालुवाटारमा कार्यालय रहेको सो सहकारीका पूर्वअध्यक्ष गुरुङलाई समितिले बैठकमा बोलाएर शनिबार सोधपुछ गरेको हो । विशेष समितिको कार्यविधिअनुसार विभिन्न सहकारीको बचत दुरुपयोगमा संलग्नका रूपमा आरोपित व्यक्तिहरूमध्ये गुरुङलाई बैठकमा बोलाई सोधपुछ गरिएको समितिका सभापति सूर्य थापाले जानकारी दिए ।