गौरिटार क्रिकेट मैदान उद्घाटन आज, बागमती कप टी–२० क्रिकेट प्रतियोगिता हुँदै

मकवानपुर । हेटौँडाको गौरीटारमा निर्माण भएको गौरिटार क्रिकेट मैदानको उद्घाटन आज हुँदैछ । बागमती प्रदेश सरकारका मुख्यमन्त्री इन्द्रबहादुर बानियाँ आइतबार दिउँसो क्रिकेट मैदानको उद्घाटन गर्ने कार्यक्रम रहेको छ ।

प्रदेश सरकारको बजेटबाट निर्माण भएको उक्त मैदानको एक कार्यक्रमका बिच उद्घाटन गर्ने कार्यक्रम तय भएको प्रदेश खेलकुद विकास परिषद् बागमती प्रदेश हेटौंंडाले जनाएको छ । परिषद्का अनुसार गत बैशाखमा प्रदेश सरकारको लगानीमा हेटौँडाको गौरिटार रंगशालामा क्रिकेट मैदान तयार भएको हो ।