टेलर गाडी पुलबाट बागमती नदीमा खस्दा चालकको मृत्यु, सहचालक सकुशल

मकवानपुरको भीमफेदी गाउँपालिका–८ बगुवास्थित कान्तिलोकपथ सडकखण्डमा टेलर गाडी दुर्घटना हुँदा चालकको मृत्यु भएको छ।

जिल्ला प्रहरी कार्यालय मकवानपुरका अनुसार शनिबार (हिजो) साँझ हेटौंडाबाट बगुवातर्फ जाँदै गरेको ना. ६ ख ४०४२ नम्बरको बागमती हाइड्रोपावरको फलामे पाइप बोकेको टेलर गाडी अनियन्त्रित भई मकवानपुर–ललितपुर जोड्ने बागमती नदीको पुलबाट तल खोलामा खसेको हो।