'नियोजित ढंगले आगजनी गर्नु जेनजी जस्तो प्रबुद्ध समूहको कार्य हो भनेर विश्वास गर्न सकिँदैन'

काठमाडौँ । पूर्वप्रधानमन्त्री बाबुराम भट्टराईले मंगलबार देशभर भएको तोडफोड र निजी सम्पत्तिमाथिको नियोजित आक्रमण जेनजी जस्तो प्रबुद्ध समूहको कार्य हो भनी विश्वास गर्न नसकिने बताएका छन ्।

मंगलबार राति सामाजिक सञ्जालमा पूर्वप्रधानमन्त्री भट्टराईले लेखेका छन् - देशको विधिविधान केन्द्र संसद, प्रशासनिक केन्द्र सिंहदरबार, बहुदलीय लोकतन्त्रका खम्बा मानिने सबै राजनीतिक दलका कार्यालय, सबै प्रमुख दलका नेता र पूर्व प्रमहरूको निजी निवास, राष्ट्रिय मिडिया कार्यालय लगायत सार्वजनिक र निजी सम्पतिमाथि नियोजित ढंगले आगजनी गर्नु जेनजी जस्तो प्रबुद्ध समुहको कार्य हो भनेर विश्वास गर्न सकिन्न।