‘बा : एक योद्धा’ को चार नयाँ कलाकार सार्वजनिक, १९ भदौमा रिलिज

काठमाडौं- प्रदर्शनको तयारीमा रहेको फिल्म ‘बा : एक योद्धा’ ले थप चार कलाकारको नाम सार्वजनिक गरेको छ। छायांकन सम्पन्न भइसकेको फिल्म अहिले पोस्ट–प्रोडक्सन अन्तर्गत सम्पादन चरणमा रहेको निर्माण पक्षले जनाएको छ।

यसअघि फिल्मका प्रमुख कलाकार झरना थापा, सुहाना थापा र दिब्यदेव पन्तलाई सार्वजनिक गरिएको थियो। अन्य कलाकारबारे भने निर्माण टोलीले गोपनीयता कायम राखेको थियो।