स्वत: स्थायी गर्न माग राख्दै करारका कर्मचारी आन्दोलित

३१ असार, काठमाडौं । सरकारले करार, ज्यालादारी र अस्थायी कर्मचारी हटाएर आउट सोर्सिङबाट पूर्ति गर्ने तयारी गरेसँगै विरोध सुरु भएको छ ।

श्रेणीविहीन कर्मचारीहरुले चार बुँदे माग राख्दै मंगलबार र बुधबार मन्त्रालयमा धर्ना दिए । करार, ज्यालादारी र अस्थायी कर्मचारीले सरकार समक्ष राखेको पहिलो माग आउट सोर्सिङ (ठेक्का प्रथा)बाट कर्मचारी भर्ना गर्न नहुने छ । लामो समयसम्म कार्य गरेको हुँदा स्वतः स्थायीको माग उनीहरुले उठाएका छन् ।