बालेन सरकार सफल होस् भन्ने चाहन्छौँ तर राष्ट्रहितविपरीतका कार्य स्वीकार्दैनौँ [भिडियो]

काठमाडौँ। नेकपा (एमाले)का प्रमुख सचेतक ऐनबहादुर महरले आफूहरू सरकारको विरोधका लागि विरोध गर्ने पक्षमा नरहेको स्पष्ट गर्दै सरकारले जनताको अभूतपूर्व जनादेशअनुसार काम गर्न नसके लोकतन्त्र र वर्तमान व्यवस्थामाथि नै गम्भीर प्रश्न उठ्ने चेतावनी दिएका छन्।

बुधबार प्रतिनिधिसभाको बैठकमा बोल्दै महरले एमाले रचनात्मक, सशक्त र जिम्मेवार प्रतिपक्षको भूमिकामा रहेको उल्लेख गर्दै सरकार सफल होस् भन्ने आफ्नो पार्टीको चाहना रहेको बताए। उनले सरकार सफल हुनु लोकतन्त्र, संविधान र गणतन्त्रको सफलतासँग जोडिएको तर्क गरे।