उजाडिँदै छ किसानको सपना

। काभ्रेपलाञ्चोकको बनेपा नगरपालिका–१३, साँगास्थित बद्री खत्रीको लेयर्स कुखुरा फार्ममा यतिबेला अस्वाभाविक सन्नाटा छ । केही महिनाअघि सयौँ कुखुराको चिरबिराहटले गुञ्जिने खोर अहिले रित्तिएको छ ।

खोरभित्र छरिएका खाली दानापात्र र सुनसान खोर एउटा किसानको उजाडिएको सपनाको कथा सुनाइरहेका छन् । बर्सौंको मेहनत, लाखौँको लगानी र भविष्यका अनेक योजना बोकेको फार्ममा बर्डफ्लु प्रवेश गरेपछि खत्रीको दैनिकी नै बदलिएको छ ।