टी-२० विश्वकप : अब 'सुपर १०'को संरचना, नेपालले सिधै ग्लोबल छनोट खेल्ने

काठमाडौं : अन्तर्राष्ट्रिय क्रिकेट परिषद् (आईसीसी) ले पुरुष टी–२० विश्वकप र एकदिवसीय (ओडीआई) विश्वकपको ढाँचामा व्यापक परिवर्तन गर्ने निर्णय गरेको छ। स्कटल्यान्डको एडिनबर्गमा सम्पन्न आईसीसी बोर्ड बैठकले प्रतियोगितालाई अझ प्रतिस्पर्धात्मक, रोमाञ्चक र अर्थपूर्ण बनाउने उद्देश्यसहित नयाँ संरचना अनुमोदन गरेको हो। यद्यपि, यी परिवर्तनले अन्तिम औपचारिक स्वीकृति भने आगामी नोभेम्बरमा बस्ने आईसीसीको बैठकबाट पाउनेछन्।

सन् २०२८ देखि लागू हुने नयाँ ढाँचाअनुसार टी–२० विश्वकपमा सहभागी २० टोलीलाई अब चार समूहको सट्टा पाँच समूहमा विभाजन गरिनेछ। प्रत्येक समूहमा चार–चार टोली रहनेछन्।