क्रोएसियाको नकआउट सम्भावना जिवितै, पानामाको विश्वकप यात्रा टुंगियो

काठमाडौं : फिफा विश्वकप २०२६ अन्तर्गत समूह एल को खेलमा क्रोएसियाले पानामालाई १–० ले हराएको छ। टोरन्टो स्टेडियममा भएको खेलमा लगातारको २ हारपछि पानामाको विश्वकप यात्रा सकिएको हो।

पहिलो हाफ गोलरहित बराबरीमा सकिएको थियो। दोस्रो हाफमा क्रोएसियाको लागि आन्टे बुडिमिरले गोल गर्दै क्रोएसियालाई अग्रता दिलाएका थिए। पहिलो हाफमा पानामाले क्रोएसियामाथि राम्रो दबाव बनायो। यद्यपी गोल भने गर्न सकेन।

खेलको २२ औं मिनेटनमा पानामाले राम्रो प्रहार गरेको थियो । तर क्रोएसियाका गोलकिपरले बचाउ गरे। दोस्रो हाफमा ठिक विपरित भयो। दोस्रो हाफको सुरुवाती समयबाट नै क्रोएसियाले पानामामाथि दबाब बनायो। जसको फलस्वरुप खेलको ५४ औं मिनेटमा आन्टे बुडिमिरले गोल गरे।

वैकल्पिक खेलाडीको रुपमा मैदान प्रवेश गरेका उनको गोलमा क्रोएसियाको विश्वकपको यात्रा अघि बढेको हो।

आज भएको समूह एल को खेलमा इङ्ल्यान्ड र घानाले गोलरहित बराबरी खेल्दै अंक बाँडेका थिए।